Abuztuaren amaiera iritsi da, eta harekin batera askotariko ekintzak dakartza Euskararen Agendak.
Arabako herri askotako jaiak izan dira hilabetean zehar, eta oraindik ere beste hainbaten txanda geratzen da. Gaur bertan, esate baterako, Kanpezun botako dute txupinazoa, 19:00etan, eta irailaren 3ra bitartean, 50 bat ekintzak osatuko dute egitaraua. Besteak beste, pilota partiduak, play back lehiaketa eta dantzaldiak izango dira herrian. Azken horren harira, Akerbeltz taldeak girotuko du gaurko arratsalde eta gaua, 20:30ean hasita.
Bestalde, Irri-barra gauak jaialdiaren azken proposamena eskainiko dute Gasteizko Falerina lorategian. Mikel Bermejoren Euskal Herritik kanpo antzezlana ikusteko aukera izango da gaur, 20:00etan. Euskal Herria utzi eta ikastera joan zenekoak kontatuko ditu gazteak, monologo formatuan.
Larunbaterako planak ere eskaintzen ditu Euskararen Agendak. Zigoitia Euskaraz programaren barruan, besteak beste, Baserriko porrusalda haurrentzako antzezlana ikusteko aukera izango da, 19:00etan, Eriben. Igandean, berriz, MagialdiAraba jaialdiak Hodei magoaren ikuskizuna eskainiko du, Markinezen, 20:00etan.
Ekintza gehiago Euskararen Agenda atalean!