Golik sartu ezinda bukatu zen atzoko partida Mendizorrotzan, eta azken minutuetan Garitanoren mutilek garaipena eskuratzeko aukerak izan bazituzten ere, puntu bakarra eskuratu ahal izan zuten arabarrek azkenik.
Partida serioa jokatu zuten atzokoan gasteiztarrek. Maripan zentralaren azken orduko salmentaren ostean, defentsan egokitzapenak egin behar izan zituen Garitanok. Baina halere defentsan talde sendoa direla erakutsi zuten, lehen jardunaldian egin zuten bezala. Atzokoan gainera, erasoko jokoan ere ondo molda daitezkeela erakutsi zuten.