28 urteko gizon bat atxilotu du Ertzaintzak gaur goizaldean, Gasteizko Foruen plazan, emakume bati sexu erasoa egitea eta hari jotzea leporatuta. Eusko Jaurlaritzako Segurtasun Sailak jakinarazi duenez, ukituak egin dizkio gizon batek emakume bati, honek kargu hartu eta ukalbilkada bat jo dio erasotzaileak aurpegian. Txagorritxura eraman behar izan dute emakumea.
Emakumearen lagunei esker, erasotzailea arin geldiarazi eta atxilotu egin du Ertzaintzak. Gasteizko Udalak gaitzetsi egin du eraso matxista.