Aurten, lehendabiziko aldiz, junior kategoriako gimnasia erritmikoko mundiala jokatuko dute, eta luxuzko ordezkariak izan ditu Arabak Moskun: Salma Solaun eta Teresa Gorospe. Emaitza bikainarekin, gainera, Beti Aurrerako neskentzat; hirugarren geratu da Solaun zinta ariketarekin, Errusia eta Israelgo ordezkarien atzetik.
"Ez dago hitzik sentitzen dugun emozioa eta harrotasuna adierazteko. Izugarria gure Salmak egindakoa", adierazi dute Beti Aurrera klubetik. Zorion-agur ugari jaso dituzte gasteiztarrek, besteak beste, Jesus Carballo Espainiako Gimnasia Federazioko presidente eta munduko txapeldun ohiarena: "Historia egin du Salmak lehendabiziko mundialean brontzea eskuratuta. Zorionak lantalde guztiari, lan izugarria!".