Zabalgana auzoa batuko da asteburuan Gasteizko auzoetako jaiekin jarraitzeko. Beste ekintzen artean, Zabalgana Euskara Taldeak antolatuta, Zabalganan kantuz kantujira egingo dute auzoan zehar, 13:00etan. Kontzertuak ere izango dira auzoko jai gunean; Josetxu Piperrak, Enkore eta DJ Canyn izango dira gaua girotzeko arduradunak, 23:00etatik aurrera.
Zuiako X. Gazte Egunaren harira, bertsolaritzaz gozatzeko parada izango da ere aste-bukaera honetan. Xabi Igoa eta Ane Labaka bertsotan arituko dira Murgiako plazan, 17:30etan. Era berean, Gazte Egunaren baitan, kontzertua eskainiko dute Paradixo, Eskean Kristö eta Bassagain taldeek.
Legution, bestalde, gaztetxearen II. urteurrena ospatuko dute, eta horretarako, bertso afaria antolatu dute, 21:30ean. Bertan arituko dira Txaber Altube, Aroa Arrizubieta eta Aitor Bizkarra bertsolariak, hitzekin jolastuz.
Sartu Euskararen Agendan eta izan Arabako euskarazko ekintza guztien berri! Asteburu on!