San Joan festak nonahi

Makala altxatuko dute Agurain igandean goizaldean.

Gasteizko Judimendi auzoan, Agurainen eta Guardian festa garaia da.

Araba osoan su txikiak eta handiak piztuko dira igandean gauean udari ongi etorria egiteko. Guardian eta Agurainen festa handiak ospatzen dituzte egun hauetan; dantzak eta makalaren landaketa dira bi herri hauetan protagonistak. Judimendin eta Lakua-Arriagan, berriz, suaren inguruan bilduko dira gasteiztarrak.

Guardiako San Juan eta San Pedro jaiak ekainaren 23an, 13:00etan, hasiko dira. Ordu horretan botako dute txupinazoa eta kanpai-hotsek festaren hasiera iragarriko dute. 18:00etan etorriko dira herriko dantzarien eta Katximorroaren kalejira eta dantzak. Jaiak aste osoan luzatuko dira, umeentzat eta jubilatuentzat programa bereziak eskainita. HEMEN PROGRAMA OSOA.

Agurainen txupinazoa ere igandean botako dute,19:00etan, eta goizeko 01:00etan egingo dute makalaren ohiko landaketa, Donibane plazan, Aguraingo Musika Bandak girotuta. Astelehenean, San Joan egunean, 07:00etan, zaldiz abiatuko dira udaletxetik Arrizala herrira. HEMEN PROGRAMA OSOA.

Gasteizko Judimendi auzoan jaien egitarau zabala prest dute. Aurten lau egunez luzatuko dira: ostegunean hasi eta bere sutzar ospetsuekin amaituko dira ekainaren 23an, igandean. Ostegunean, 20.00etan, txosnen ateak irekiko dira, jaietako lehen egunaz gozatzeko pintxo-potea eskainiz. 22.00etan lehen kontzertuak izango dira, ​Revolta Permanent eta Ira Rap​ taldekin. HEMEN PROGRAMA OSOA.

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide