Bartolome Esteban Murilloren Escorialeko Andra Maria Sortzez Garbia obra hilabetez ikusi ahal izango da Arte Ederren Museoan. Berrehun urte bete dituela eta, Prado museoak jarduera programazio berezia antolatu du, eta artelanaren lagapena da ekimenetako bat.
Museoak bere bildumako obra garrantzitsuak lagako dizkie hilabetez hainbat museori (erkidego bakoitzeko bati, Madrilgo Erkidegokoei izan ezik), eta pinturetako askok lotura izango dute hartuko dituzten museoekin. Murilloren lana uztailaren 14ra arte ikusi ahal izango da Gasteizen.