Emaize Sexologia Zentroko Miren López de Arregi Lakuntzak eta Ana Ramírez de Ocáriz Sorollak zuzenekoa eskainiko dute maiatzaren 3an, ostirala, 11:00etan. Emaizen eskaintzen dituzten zerbitzuez arituko dira, "25 urtez sexualitateak lantzen" izeneko hitzaldian.
Emaize zentroa Gasteizen kokatuta dago eta, 1994az geroztik, arreta egiten diete sexualitateei eta sexuei eta horien arteko zein haien arteko erlazioei. Beraien helburua da neskato-mutikoei eta emakume-gizonei elkar ulertzeko eta haien arteko elkarbizitza hobetzeko laguntza ematea.
Emaize sexologia zentroak Bai Euskarari ziurtagiria dauka, 'Bidean' maila.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.