Astelehenean, hilaren 29an, Juanito Oiarzabal Annapurnara (8.091) lehen aldiz igo zela hogei urte beteko dira. Gailur hori egitearekin, mendizale arabarrak 14 zortzimilakoen zerrenda osatu zuen, eta lorpen hori zuen seigarrena izan zen munduan.
Urteurren hori dela eta, omenaldia egingo diote datorren astelehenean mendi irteera batekin. Gorbeia mendira igoko da Juanito Oiarzabal, eta harekin batera parte hartu nahi duten mendizale guztiek. Harrobietako aparkalekutik abiatuta, 08:30ean emango diote hasiera igoerari. Oiarzabalekin batera, besteak beste, Pedro Espinosa izango da, kanpamentu nagusitik gorako igoeraren berri eman zuen kazetaria.