Urtegiko ibilbide berdea egokituko dute, uholdeen arazoak ekiditeko

Urtegiko ibilbide berdea egokituko dute. AFA

50.000 euroko inbertsioa egingo du Aldundiak.

Arabako Foru Aldundiko Ingurumen eta Hirigintza Sailak Uribarri Ganboako urtegiko Ibilbide Berdea egokituko du, uholdeak gertatzen direnean tarte batzuetan izan ohi diren arazoak ekiditeko. Hala, zoladura berrituko du, zorua sendotuko du eta drainatze sistema berriak eraikiko ditu.

50.000 euroko inbertsioa egingo du Aldundiak, Marietako eremuan, eta Urizar herriaren inguruan, urak eragin ohi dituen arazoak konpontzeko. Zehazki, etxaldetik Marietara arteko tartea egokituko dute; drainatze arazoak daude zonalde horretan, eta  ondorioz, ur asko pilatzen da bidearen plataforman. Bigarren tartea Urizarko dikerako sarbidean dago, malda handiko bide bateko toki batean. 

Guztira 4,1 kilometroan egingo dira lanak, ibilbide berde horretan ibiltzen diren 80.000 txirrindulari eta oinezko ingururen segurtasuna hobetzeko. 



ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide