Aroa Arrizubieta Barredo, Iñaki Viñaspre Simon, Manex Agirre Arriolabengoa, Oihane Perea Perez de Mendiola, Peru Abarrategi Sarrionaindia, eta Xabi Igoa Eriz bertsolariek kantatuko dute 2019ko Arabako Bertsolari Txapelketako finalean. Martxoaren 30ean, Gasteizko Printzipal Antzokian, jokatuko da finala. Marta Ugarte Abasolo eta Oier Suarez Hernando izango dira gai-jartzaileak.
Asteburu honetan Dulantzin jokatu den finalerdian kantatu duten bertsolariek itxi dute sailkapena. Horretan Iñaki Viñasprek lortu du puntuaziorik altuena. Bigarren itzuli honetako saioetan 14 bertso puntuagarri kantatu behar izan dituzte bertsolariek, horien artean bost bertso, bakarkako lanean, kartzela formatuan. Dulantzin, ariketa guztiak egin ondoren, Iñaki Viñasprek lortu zituen puntu gehien, 330,5 puntu.