Eusko Jaurlaritzako Segurtasun Sailak abisu horia ezarriko du urtarrilaren 9an elurragatik, 18:00etatik 24:00etara. Elur-kota 800 eta 1.000 metro inguruan egongo da, eta azken orduetan 500 eta 700 metrora jaitsiko da. Bestalde, Larrialdiei Aurre Egiteko eta Meteorologiako Zuzendaritzak jakitera eman duenez, abisu horia ezarriko dute urtarrilaren 8an muturreko tenperatura baxuak eta izotzagatik Araban, 00:00etatik 10:00etara.
Asteazkenean zerua oso hodeitsu egongo da. Goizaldean elur-kota 1.300 eta 1.500 metrotik jaisten joango da, arratsaldean 800 eta 1.000 metro inguruan egongo da eta azken orduetan 500 eta 700 metro inguruan. Tenperatura minimoak gutxi igoko dira eta maximoetan aldaketarik ez edo gutxi jaitsiko dira. Egun amaieran barnealdean izotz txikia egingo du, bereziki mendi inguruetan eta Arabako zenbait puntutan.
Ostegunean berriro zerua hodeitsu edo oso hodeitsu egongo da, bereziki Kantauri isurialdean. Prezipitazio txikia egingo du. Elur-kota 300 eta 500 metro inguruan egongo da. Ipar/ipar-ekialdeko haize ahul-bizia ibiliko da. Tenperatura gutxi jaitsiko da. Barnealdean izotz txikia egingo du.