Ribabellosako ordainlekua AP-68 errepidearen diru-laguntzetan sartu dute

Ribabellosako ordainlekua AP-68 errepidearen diru-laguntzetan sartu dute
AP-68 autopistaren diru-laguntzetan sartuko dute Ribabellosako ordainlekua

AP-1 autopistaren doakotasunarekin bat dator neurria.

AP-68 autopista erabili ohi duten arabarrentzako diru-laguntza programaren oinarriak aldatuko ditu Arabako Foru Aldundiak. Hemendik aurrera, Ribabellosako ordainlekua ere diru-laguntza eskuratzeko erabili beharreko sarrera eta irteeren zerrendan izango da. 

2018ko abenduaren 1etik aurrera AP-1 autopista erabiltzearren ez da ordainsaririk ordaindu beharko Burgos eta Armiñon artean, eta laster irekiko duten ordainleku berri bat egiten ari dira Ribabellosako AP-68ko lotunean. Horregatik erabaki dute diru-laguntza programaren oinarri arautzaileak aldatzea eta Ribabellosako ordainlekua sartzea.

Foru gobernuak ekainaren 12an onetsi zituen AP-68 errepidea erabiltzen duten pertsonentzako diru-laguntza programaren oinarri arautzaileak, eta %60 handitu zuen hamabost bidaiatik gora autobidearen Arabako zatiko ordainsariarengatik ematen zuen diru-laguntza.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?

Izan zaitez ALEAkide