Arabako EHUko campusean hiru gradu bikoitz berri ezarriko dira hurrengo ikasturtean. Hala iragarri du EHUko gobernu batzordeak gaurko ohiko bilkuraren ostean.
Arabako Ingeniaritza Eskolaren eta Ekonomia eta Enpresa fakultatearen koordinazioari esker bi gradu eskainiko ditu EHUk: Ingeniaritza Mekanikoa Enpresen Zuzendaritza eta Administrazioarekin batera; eta Ingeniaritza Informatikoa Enpresen Zuzendaritza eta Administrazioarekin batera.
Halaber, Farmazia fakultatean gradu bikoitz berri bat ezarriko dute: Farmazia eta Giza-elikadura eta Dietetika barne hartzen duena.