Urtebeteko espetxealdia bete du Alfredo Remirez @erreharria-k, eta larunbatean aterako da Zaballako kartzelatik.
Presoen sakabanaketa salatzeko herriko jaietan atera zuen panpin batengatik zigortu zuten, "terrorismoa goratu" zuela leporatuta; 2017ko otsailean Armiarma operazioan atxilotu zuten, eta Amurrioko jaietako auzia baliatu zuten –2009. urtekoa– kartzelaratzeko.
Amurrion jaialdia
Remirezen omenez, festa bat antolatu dute Amurrion. 12:00etan herri argazki bat egingo dute plazan, 12:30ean poteo bat izango dute eta bazkaria jarraian. Arratsaldean, kalejira eta kontzertuak izango dira Dantzetan Jarrai eta DJ Peruren eskutik.