Mundu osoko errealitateen lekukotzak biltzen dituen World Press Photo argazki-kazetaritza erakusketa garrantzitsuena Gasteizen da, azaroaren 18ra arte; 73.000 argazkiren artetik aukeratutako 152 onenak ikus daitezke Montehermoso kulturuneko ur-biltegian.
Argazki eta irudiek gainezka egiten duten egun hauetan, etenaldia egin eta gogoeta egiteko hamaika arrazoi aurki daitezke World Press Photo erakusketan. "Gure eginbeharra herritarrak eta garrantzitsuak diren istorioak konektatzea da, eta horretarako garrantzitsua da profesional aske eta independenteen lana", azaldu du Carla Vlaun erakusketako arduradunak Gasteizen egindako agerraldian. Zeregin horretan 1955. urtetik ari da fotokazetaritza lehiaketa garrantzitsuena, eta, aurten ere, eskura izango dute Montehermosoko ur-biltegira gerturatzen direnek. 152 argazki onenak izango dira hilabete batez.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide