Etxeraten eskutik, dispertsio politikaren aurpegiak mahai gainean jarri nahi ditu "Askatasun haizea" ikuskizunak. Egoera politikoa aldatu arren, euskal preso, iheslari eta deportatu politikoen egoerak berdin jarraitzen duela salatu dute, dispertsioak 29 urte bete dituenean.
Hiru ikuskizun prestatu dituzte hurrengo egunetarako. Agurainen gaur izango da, 20:00etan, Harresi aretoan; Gasteizen bihar izango da, urriaren 25ean, Kubik aretoan, 20:00etan; eta ostiralean Amurrion, 20:00etan, Amurrio antzokian.
Horietan, besteak beste, Patxi Bisquertek, Arantza Eziolazak, Belen Nevadok, Ruben Sanchezek, Oier Guillanek, Ramon Agirrek, Uluka taldeak, Unai Lopez de Armentiak, Naike Bengoak, Ainhize Solaunek eta Alejandro Aldanak parte hartuko dute.