11 egun euskaraz ariketa sozialean parte hartzeko izen-emate epea zabalik dago; euskara praktikan jarri nahi duten herritarrek izena eman ahalko dute parte hartzeko hizkuntza ohiturak astintzea helburu duen ariketa sozialean. Horretarako, euskaraldia.eus webgunea baliatu ahalko dute. Parte hartzeko belarriprest eta ahobizi rolen artean erabaki beharko dute.
Bai Euskarari Elkartea Euskaraldiaren sustatzaileen artean dago eta gure helburua da ekimenean parte hartuko duten ahalik eta ahobizi eta belarriprest gehien aktibatzea; gizartean eta eremu sozioekonomiko alor guztietan euskara baliatzeko, egunerokoan euskaraz aritzeko.
Izen-ematea noiz eta nola
Azaroren 23ra bitarte Euskaraldian parte hartu nahi duten guztiek eman beharko dute izena webgune orokorrean zein herriz herri jarriko diren postu eta lekuetan.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.