Udaberrian helduko da 21. Korrika Euskal Herriko bazter guztietara, eta hori iragartzeko bideoklipa grabatzen ari dira egunotan. Gaur bertan, Amurrion izan dira, eta herriko hainbat bizilagunek parte hartu dute saioan. Irailaren 24an berriz Gasteizen izango da; Salburua auzoan grabatuko dute ataletako bat, 18:00etatik 21:00etara.
Antolatzaileek nabarmendu duten moduan, 100 boluntario beharko dituzte bideokliperako, eta parte hartzeko deia egin diete herritarrei. Adin guztietako lagunak behar dituzte; interesa dutenek gasteiz@aek.eus helbidearen bitartez jar daitezke harremanetan, helbidea, izen-abizenak eta adina zehaztuta.