.jpeg)
Arabako Aldundiko Gizarte Zerbitzuen sailak gauez informazio karpak jarriko ditu herrialdeko hamabi herritan, nahi duenari alkohol proba egiteko. Kanpaina Maeztun hasi zen, eta urrira arte Guardia, Eltziego, Aramaio, Ondategi, Uribarri Gaubea eta Zanbranako jaietan izango da, besteak beste.
Batik bat gazteei zuzendutako kanpaina da, eta helburua da jaietan alkoholdun edari gehiegi hartzeak ekar ditzakeen arriskuez informatzea, sentsibilizatzea eta arriskuak prebenitu eta murriztea. Lau mila lagun inguruk –gehienak 30 urte baino gazteagoak– egin zuten proba iazko kanpainan.