alea.eus

Martxoaren 3ko gertakarien aitortza galdegingo dio Europak Espainiari

Erredakzioa 2018-07-11 18:24   Politika  Araba

Justizia Ministerioari elkarte memorialistak eskatutako gutuna helaraztea adostu du Eskari Batzordeak.

Martxoaren 3ko gertakarien aitortza galdegingo dio Europak Espainiari
Nerea Martinez eta Andoni Txasko, Parlamentuko agerraldian. / Martxoak 3 | Ikusi handiago | Argazki originala

Martxoaren 3ko biktimek Europako Parlamentuko Eskari Batzordean hitza hartu dute gaur, 1976an Gasteizen izandako gertakarien egia, justizia eta ordaina bermatzeko eskatu diezaion Europak Espainiari. Hura berriz ez gertatzeko bermeak ere galdegingo dituzte elkarteko ordezkari Andoni Txaskok eta Nerea Martinezek.

Eskaera egin ostean, Parlamentuko diputatuek euren iritzia eman dute eskariaren inguruan. Eskari Batzordeak Espainiari idatzi bat helaraztea erabaki du, Justizia Ministerioari. Europako beste bi komisariori ere helaraziko diote gutuna, gertakarien ikerketa abiarazteko. Besteak beste, EAJ, Podemos eta EH-Bilduren botuekin egin du aurrera eskariak; Alemaniako CDU alderdiko bozeramaileak ere bat egin du horrekin.

Elkarte memorialistak 2015eko martxoaren 3an aurkeztu zuen Europako Parlamentuan agerraldia egiteko eskaria. Urte hartako uztailean, Izaskun Bilbao (EAJ) eta Josu Juaristi (EH Bildko) europarlamentarien babesa jaso zuten. Eskaria 2015eko abenduan onartu zuen parlamentuak.

Europan hartu den erabakia "zigorgabetasunaren eta ahanzturaren kontrako aurrerapausoa" izango dela uste dute biktimen elkarteko kideek.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa