alea.eus

Eraso matxisten aurkako protokoloak martxan jarriko dituzte emakumeek Arabako jaietan

Erredakzioa 2018-07-09 10:46   Gizartea  Araba

Eraso matxisten aurkako protokoloak plazaratu dituzte azken egunotan hainbat herritako talde feministek; zenbait udalek ere neurriak hartuko dituzte, jaiei begira.

Eraso matxisten aurkako protokoloak martxan jarriko dituzte emakumeek Arabako jaietan
Eraso matxisten aurkako mobilizazioa, Laudion. AIARALDEA.EUS | Ikusi handiago | Argazki originala

Arabako herrietako jaietan ematen diren eraso matxistak salatzeko eta erasotzaileei aurre egiteko, oinarrizko gidak prestatu ditu mugimendu feministak; Laudioko Bagara Nor talde feministak eta Lautadako Inguma neska gazte taldeak udako jaietarako oinarrizko protokoloak aurkeztu dituzte.

Laudioko Bagara Nor talde feministak azaldu duenez, hilabete luze eman dituzte eraso matxisten aurkako protokoloan jazotako neurriak zehazten: "Hala ere, ez da dokumentu itxi bat; erabili ahala sortzen diren beharren arabera aldatzen joango gara". 

Bestalde, Aguraingo Inguma neska gazte taldeak udako jaietarako Gida Feminista aurkeztu du. Lan hau iaz hasi zuten: "Herri nagusietan neska gazteok feminismoaren inguruan kontzientzia izan arren, eraso bati erantzuna eman, eta antolatzerako orduan, hartu behar diren neurrien inguruan akatsak egiten ziren. Akatsak izan ziren, edo ez ginen ondo antolatzen jakin", azaldu dute. Horregatik planteatu dute gida hau: "Oso oinarrizkoa den protokolo bat" bezala definitu dute, eraso bat zer den, eta zeintzuk diren eman beharreko urratsak jaso dituzte.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa