Tindufeko errefuxiatuen kanpamentuetatik Arabara heldutako haur sahararrei ongietorria egin diete gaur eguerdian Aldundian. Harrera ekitaldian berrogei haur izan dira, Oporrak Bakean programaren barruan hartu dituzten familiekin batera. Arabako Foru Aldundia eta Gasteizko Udala ari dira proiektua gauzatzen, Saharako haurrei harrera egiteko familien Afanis elkartearekin lankidetzan.
Halaber, Arabako Bakelekua elkartearen eskutik, Zuhatzu-Kuartangon izango diren beste hamaika adingabe sahararrek ere parte hartu dute ekitaldian.