alea.eus

Tarifa finkoa izango da AP-1 autobidean uztailaren 1etik aurrera

Erredakzioa 2018-06-12 15:04   Ekonomia  Araba

AP-1 autobidea sarri erabiltzen dutenek hileko tarifa finkoa –15 euro– ordainduko dute, uztailaren 1etik aurrera, Etxabarri Ibiña-Eskoriatza tarteagatik, eta 75 euro Etxabarri Ibiña-Maltzaga tarteagatik.

Tarifa finkoa izango da AP-1 autobidean uztailaren 1etik aurrera
AP-68 autobidean deskontuak aldatu dira. ALEA | Ikusi handiago | Argazki originala

Araban bidesaria kobratzen duten bi autobideak erabiltzen dituzten arabarrentzako dirulaguntzen oinarri arau berriak onartu ditu Foru Gobernu Kontseiluak. AP-1 autobidean hileko tarifa finkoa ezartzeaz gainera, AP-68aren Arabako tartea sarri erabiltzen dutenentzat ezarritako deskontuak aldatuko dira. Hala, uztailaren 1etik aurrera bidesariaren %60ko deskontua (BEZa barne) izango dute hilean hamabost bidaia edo gehiago egiten dutenek.

Deskontu sistema berriaz baliatzeko Araban erroldatuta egon behar da eta teleordainketa sistema jarrita izan behar du ibilgailuan. 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa