2015az geroztik, alor sozioekonomikoan euskararen erabilera eta presentzian eragiteko asmoz sortu zen Lanabes proiektua. Arabako 30 enpresa eta erakundetako ordezkari egon ziren lehen topaketa hartan eta harrezkero egindako ibilbidearen berri emateko asmoz, ekainaren 4an Arabako Merkataritza eta Industria ganbaran ospatuko den “Araban, Euskara Lanabes” izeneko jardunaldia antolatu dute.
Orain arteko emaitzak partekatzeaz gain, Lanabes talde eragilearen planaren berri ere eman nahi dute deitutako hitzorduan. Bertan elkartu nahi dira Arabako alor sozioekonomikoko enpresa pribatu eta erakunde publiko, elkarte zein federazioak. Bide batez, Arabako Foru Aldundiaren Euskararen Foru Zerbitzuaren 2018-2021 Plan Estrategikoaren helburu nagusia ere zein den azalduko dute.
Gonbidapena irekia da eta parte-hartu nahi duenak izena eman dezake.