Afrika Euskadi kultur elkarteak hainbat jarduera antolatu ditu hilaren 25ean izango den Afrikaren Eguna ospatzeko: besteak beste, futbol-partidak, dantza senegaldar eta nigeriarren lantegiak, antzerkia, hitzaldiak, pintxopotea eta desfileak izango dira. "Afrikaren aniztasuna" ospatu nahi dute ekimenaren bitartez, "dagoeneko Gasteizko kulturaren zatia baita", kultura zinegotzi Isabel Cantoren hitzetan.
Jarduera gehienak hiriburuan izango badira ere, Murgian ere izango da kontinentearen usadioei hurbiltzeko modua. Izan ere, igandean egingo dute bertan Afrika Egunaren lehen edizioa, Manuel Iradier Elkarte Afrikanistaren laguntzarekin. Besteak beste, eskulangintza, txirikordak, dantzak, eta perkusioa lantzeko tailerrak egingo dituzte, igande arratsaldean.
Afrika eta Araba eskutik helduta joango dira, astebetez
Gaur hasita eta maiatzaren 26ra bitartean Afrikarrak Euskadin izeneko jaialdi soziokulturalaren lehen edizioa izango da.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.