alea.eus

Forondako aireportuak Mugaren Ikuskatze Gunea berreskuratu du

Erredakzioa 2018-05-16 18:11   Ekonomia  Araba

Elikagai eta produktu galkorrak garraiatzeko baimena eman dio Europako Batasunak. 

Forondako aireportuak Mugaren Ikuskatze Gunea berreskuratu du
Elikagai eta produktu galkorrak garraiatu ahal izango ditu berriz Forondak. /Alea | Ikusi handiago | Argazki originala

Gaurtik aurrera, Gasteizko aireportuak Mugaren Ikuskatze Gunea berreskuratzeko baimena du. Horren bitartez kontrolatzen dira beste herrialde batetik datozen elikagai eta produktu galkorrek osasun kontrolak gainditzen dituztela; eta, Europako Batasunak emandako baimenarekin, berriz ere jarduera abiatu daiteke.

2013ko apirilean galdu zuen aukera hori Forondak, Europako Batasunak esan zuelako Espainiak halako gune gehiegi zituela; garai hartan, 13 muga-gune geratu ziren bertan behera. Zama kopurua handitu egin da azken urteetan (marka hautsi zuen 2017 urtean 60.484 tonarekin), eta AENAk egindako berritze lanen ostean, berriz ere martxan da Mugaren Ikuskatze Gunea.

"Gaur egun aireportuak bizi duen egoerarekin, eta mugitzen duen zama kopurua kontuan hartuta, beharrezkoa zen erabaki hau Forondak dituen aukera guztiak behar moduan garatu ahal izateko", aipatu du Javier de Andres Espainiako Gobernuak EAEn duen ordezkariak.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa