alea.eus

2001ean izan zuen fuel-olio biltegiaren berri Gasteizko Udalak

Erredakzioa 2018-05-14 16:55   Euskara  Araba

EH Bilduk ezagutarazitako txostenaren berririk ez zuela esan du Gorka Urtaran alkateak. 

2001ean izan zuen fuel-olio biltegiaren berri Gasteizko Udalak
Eskoriatza Eskibel jauregia. /Alea | Ikusi handiago | Argazki originala

Eskoriatza Eskibelen topatutako fuel-olio biltegia dela eta, Gasteizko Kafe Antzokia eta Euskararen Etxea egitasmoak Ruiz de Bergaratarren jauregian kokatzeko aukera proposatu berri du Gorka Urtaran alkateak. Biltegia "ezustean" aurkitu eta horregatik plan aldaketa proposamena egin zuen Udalak. EH Bilduk jakinarazi du, ordea, 2001eko txosten batean haren berri ematen zuela Udaleko arkitektoak. 

Duela hilabete jakinarazi zuen Udalak indusketa lanei ekin aurretik burututako zundaketa lanetan fuel-olio deposito bat antzeman zutela, eta horrek lan guztien atzerapena eragingo zuela. Felix Gonzalez zinegotziak gaur jakinarazi duenez, aldiz, 2001eko txosten batean eman zuten fuel-olio biltegi baten berri. "Lorategia gehiegi igotzeak (garai bateko fuel-olio biltegiak ezkutatzeko helburuarekin) kalte ugari eta nabarmenak eragin dizkio jauregiaren egiturari", aipatzen du dokumentuak. 

Informazioa "ezkutatu" izana leporatu dio EH Bilduk Gorka Urtarani, eta bitartean Antzokiak "geldi" jarraitzea. Alkateak, baina, txosten horren berri ez zuela esan du.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa