Israelgo estatua sortu zutela 70 urte betetzen dira gaur, eta palestinarrek protestak dituzte; Al Nakba (hondamendia) esaten diote egun hari, 700.000 palestinarrek ihes egin behar izan zutelako. Urteurrenarekin bat eginez, hainbat protesta ekitaldi antolatu dituzte Gasteizen.
Astelehenean, maiatzaren 14an, Roadmap to apartheid dokumentala eskainiko dute Memoria Gunean, Fermin Lasuen kaleko egoitzan, 19:00etan.
Astearterako, berriz, elkartasun elkarretaratzea deitu dute. Andre Maria Zuriaren plazan izango da, 19:00etan.