Liburuaren Eguna da gaur. Ohi bezala, nazioarte mailan ospatzen den hitzorduaren harira liburu-dendetan deskontu bereziak egiten ari dira. Asteburuan Gasteizko liburu saltzaileak Plaza Berrian izan dira, eta gaur bertan beste hainbat ekitaldi berezi egiten ari dira. Esaterako, Sancho el Sabio Fundazioak bisitaldi gidatuak egin ditu goizean, eta “Zer gertatu zen jaio zinen egunean?” izeneko tailer berezia ere antolatu du. Bihar 19:00etan Mikel Valverde ilustratzailea Goiuri Jauregian egongo da; etzi, ordu berean, Pilarreko liburutegian Uxue Alberdi eta Karmele Jaio idazleak solasean ariko dira, Nobela baten eraikuntza gaiaren inguruan.