alea.eus

Mugimendu feministaren aurkako isunak salatu dituzte

Erredakzioa 2018-04-16 12:25   Gizartea  Araba

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.

Mugimendu feministaren aurkako isunak salatu dituzte
Gasteizko Udalak 1.450 euroko zigorra ezarri dietela salatu du Bilgune Faministak. / Alea | Ikusi handiago | Argazki originala

Gasteizko Udalak 750 euroko isuna jarri dio Gasteizko Bilgune Feministari, Martxoak 8ko grebarako deia egiten zuten 13 kartel jartzeagatik. Bestalde, mugimenduko beste bi kidek ere orotara 700 euroko zigorrak jaso dituztela salatu dute, "greba eguna zabaltzeagatik".

Gertatutakoa arbuiatu du Gasteizko Martxoaren 8ko Asanbladak, hedabideei bidalitako ohar batean. Isunak greba eguna eta bost egunera iritsi zirela argitu dute, Euskal Herriko Mugimendu Feministak sinatutako kartelak ipintzeagatik. Udaletxeko bulegoetan jarrita zauden kartel berdinak zirela azaldu dute.

Udalaren "kontraesanak" salatu dituzte: "mugimendu feministaren lana aitortzea helburu zuten berdinek kriminalizatu gaituzte beste behin ere". Era berean, mugimendua "argi mediatikotik at" geratzen den momentuan Udalak "mugimendua bera zigortzen duela" kritikatu dute oharrean.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa