Zadorrak gainezka egin eta hainbat errepide moztu dituzte

Zadorrak gainezka egin eta hainbat errepide moztu dituzte
Abetxukuko hainbat baratza urpean geratu dira. / N. Cuesta

Urtegia hustearen ondorioz, hainbat lur-sailetan putzuak sortu dira.

Azken egunetako euriagatik eta iragarritakoagatik, Eusko Jaurlaritzaren Segurtasun Sailak Aholku Batzordea deitu du uholde-arriskuarengatik, eta Larrialdi Plan Bereziaren lehen larrialdi-maila aktibatu du.

Oraingoz, Araban, ur putzu ugari dago, eta hainbat errepide daude itxita; besteak beste, Margarita, Ihurre, Amarita, Tresponde eta Bilodan itxi dituzte. Bestalde, Zadorra ibaiak gainezka egin du, Uribarri urtegia husten hasi direla eta, eta horren ondorioz Gasteizko Abetxuku auzoko hainbat lur-sailetan uholde txikiak izan dira, eta bertako baratzeak urpean geratu dira.

Uribarriko urtegia urtarrilaren 5etik ia etengabe ura hustutzen izan da, 30m³/s-rainoko ur-husteak barne. Orain, betetze maila %90tik gorakoa da. Eman diren euriak, urtegietan sartu den ur-kantitatea, eta heldu diren azken aurreikuspen meteorologikoak aintzat hartuta, ur-hustuketa 5  m³/s-ka handitzearen aukeraz hausnartu dute, 60m³/s-ra heldu arte.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide