Kirolbet Baskonia eta Alavesen babesle eta apustu-etxe ofiziala izan da 2016 urteaz geroztik. Halere, babesletza hori ez da taldearen izen ofizialarekin lotzeko akordioa gaur arte egikaritu. Eta bi erakundeen artean adostutako akordioari esker, Saski Baskoniako ordezkariek taldearen egonkortasunaren mesederako hitzarmena dela adierazi dute.
Aurrerantzean, ACB ligako eta Euroligako partida guztietan, Kirolbet Baskonia izango da taldearen izen berria. Zehazki, Valentzia Basket-en kontrako partidan, ostegunean, ofizialki estreinatuko dute taldearen irudi berria, eta akordioari buruzko xehetasunak ostiralean azalduko dituzte bi aldeetako ordezkariek prentsaurrekoan.