Ikasle Abertzaleak taldeak deitu ditu gaurko mobilizazioak, Hau ez da gure hezkuntza. Indarrak batuz, hezkuntza sistema gainditzera goaz! lelopean, eta lehen eta bigarren hezkuntza, batxilergoa eta Lanbide Heziketa egiten ari diren dozenaka ikaslek parte hartu dute.
Azaldu dute Euskal Herriko ikastetxeetan “problematika ezberdinei erantzuna emateko” egiten ari diren dinamikak direla, "autodefentsa sareak, greba eskubidearen aldeko protestak edo herri eskolak, besteak beste". Arazo “isolatuak” ez direla nabarmendu dute antolakundeko kideek, baizik eta hezkuntza gizarte eredu baten zerbitzura duen “egitura oso baten” ondorio.
Izan diren mobilizazioen artean, Gasteizen 50 ikasle inguru identifikatu ditu Ertzaintzak. Salatu dutenez, ikasleetako bati telefonoa kendu dio ertzain batek, eta mozal legea ezartzearekin egin dio mehatxu, bertan zituen argazkiak ikusi ostean.