alea.eus

Eskaner eta mamografo berria estreinatu ditu Txagorritxuko ospitaleak

Erredakzioa 2018-02-12 18:34   Gizartea  Araba

Erradiodiagnostiko zerbitzuko ekipamendu berri honekin, pazienteek jasotzen duten erradiazio dosia txikituko da.

Txagorritxuko unibertsitate ospitaleak (AUO) ekipamendu berria estreinatu du, izan ere, Eusko Jaurlaritzak  1.100.000 euroko inbertsioa egin du Araba ESIko Erradiodiagnostiko zerbitzuan. Hala, eskaner berria, mamografo digital berria eta zuzeneko erradiologia digitaleko gela berria estreinatu ditu Txagorritxuk.

Eskaner berriak pazienteari egindako miaketa bakoitzean erradiazio dosia laurdenera jaistea ahalbidetzen du. Hemendik aurrera, Arabako ESIk lau eskaner izango ditu. Gainera, aparatu berri honi esker, pazientearen gorputz osoaren arakatzea hamar segundutan egin ahal izango dute. 

2017ko abenduan, tomosintesisdun mamografo digital zuzena jarri zuten Txagorritxun, teknologia hori duen Arabako lehendabizikoa eta bakarra. Honi esker lortzen diren irudiak hiru dimentsiotakoak dira, eta bularreko patologia erradiologiakoaren azterketan zehaztasun handiagoa ematen du. Emaitza, gainera, berehalakoa izaten da; 2D eta 3D azterketa osoa zortzi segundu baino gutxiagotan egiten da. Hala, tresneria berri honek diagnostiko medikua lehenago egitea ahalbidetuko du.

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa