Van Morrison aurtengo Azkena Rock Jaialdiko kartelburu izango da. Musikari irlandarrarekin batera, ekainean Mott The Hoople, Dead Cross, Nuevo Catecismo Catolico eta The Soul Jacket taldeak Mendizabalan izango direla iragarri dute antolatzaileek.
Hala, ekainaren 22 eta 23an Gasteizen ospatuko den rock jaialdiko kartela ixten doa Azkena Rock. Martxoaren 6ra bitartean, abonamenduaren prezioa 95 eurokoa (+gastuak) izango da.
