Kontsultatu hemen Arabako errepideen egoera, eguneratuta:
Gasteizen espero zena baino elur gutxiago bota du gauean, hala ere, goizean elurra egingo duela dio iragarpenak. Hala, izotzak sortu ditu arazo gehien. Momentu honetan, hamar makina ari dira lanean Gasteizen, kaleetan gatza botatzeko. Araban, berriz, hogei dira errepideetan dauden elurra kentzeko makinak.
Bigarren mailako hainbat errepidetan arazoak sortu dira elurragatik eta izotzagatik. Besteak beste, Herrera eta Urduñako mendatean itxita daude une honetan. Opakua, Gasteiz, Zaldiaran eta Kruzetako mendateetan kateekin gidatu behar da.
Eguerditik aurrera, elur mailak gora egingo duela iragarri du Euskalmetek, 500-600 metrora.
