Erabakitzeko eskubidearen aldeko Gure Esku Dago plataformak giza kate erraldoia iragarri du ekainaren 10erako.
2014an, Durango eta Iruñea lotu zituenarekin alderatuta, 75 kilometro gehiago izango ditu kate berriak. Zehazki, Donostiako itsasertzean hasiko da, eta Gasteizko Legebiltzarraren parean amaitu.
Herri mugimendukoek azaldu dute, gutxienez, 100.000 lagun beharko direla katea osatzeko eta, finantzaziorako ez ezik, antolaketarako ere, saretzearen garrantzia azpimarratu dute.