Urtea euritsu hasi da, eta euria eta elurra protagonista izan dira azken egunotan. Hala, urtarrilaren 5ean Uribarriko urtegiaren ateak zabaltzea erabaki zuen Ura agentziak, izan ere, urtegiaren edukiera %86koa zen. Horren eraginez, asteburuan Zadorra ibaiak gainezka egin du zenbait puntutan. Arroiaben, esaterako, zenbait lursail urpean geratu dira, baina Ura agentziatik ohartarazi dutenez, "garrantzi gutxiko gainezkatzeak" dira.
Aurreko ostiralean, urtegia husten hasi zirenean, isurtzen zen ur emaria 18,6 metro kubiko segundukoa zen. Atzo, aldiz, 30 metro kubiko segundura handitu zen. Hala ere, ibaien gainezkatzea ez da arazo bihurtzen ur-hustutzearen abiadura 50-60 metro kubiko segundura handitu arte, Urak jakinarazi duenez.
Urrunagako urtegia, aldiz, bere edukieraren %56an dago egun.