Gizarte Ongizaterako Foru Erakundeak (GOFE) beste enplegu publikoaren eskaintza bat abiaraziko du; lehenengo probak datorren urtean egingo dira, uda ostean. Guztira, 187 plaza izango dira: 28 erizainenak eta gainerakoak, 157, erizain-laguntzaileenak.
Gizarte Ongizaterako Foru Erakundeak legegintzaldi honetan onartzen duen bigarren enplegu eskaintza da; izan ere, 2016an 80 plazako EPEa deitu zen, eta deialdi horretako hautaprobak egiten ari dira.
Zuzeneko arreta
2017ko EPEaren ezaugarriei dagokienez, pertsonei zuzeneko arreta emateko kategoria profesionalak direla azaldu dute Diputaziotik, eta beren lana bereziki foru egoitzetan izango da, bai ezinduekin eta bai, eta nagusiki, adinekoekin. 187 plazetatik 174 sistema librean aterako dira, eta gainerako 13ak, barne sustapenekoan. 82 plazak izango dute derrigortasun datadun hizkuntza eskakizuna. Legeak agintzen duenez, 13 plaza, hau da, % 7, ezinduentzat gordeko dira; horietako 3, buruko ezintasuna duten pertsonentzat izango dira, erizain laguntzaileen plazetan.