Jostailuek bigarren aukera bat izan dezaketela erakutsiko du, hamargarren urtez, Azoka Txikiak. Egoera onean daudenak bildu, eta berriz salduko dituzte abenduaren 16an Iradier Arenan paratuko dituzten saltokietan.
Bildutako dirua Save The Children gobernuz kanpoko erakundeak kudeatuko duen proiektu batera bideratuko dute, aurretik hainbat ikastetxetan landuko dutena. Lehen Hezkuntzako haurrak "errealitate desberdin batera" gerturatzea du helburu egitasmoak, Udaletik azaldu dutenez. Hain zuzen, beren herrialdeetatik atera behar izan duten haur eta familia errefuxiatuen egoera ezagutuko dute.
Azoka bitartean, azaroaren 30era arteko epea izango dute gasteiztarrek hiriko ludoklubetan eta ikastetxeetan jostailuak uzteko.