2007an sortu zen Bai Euskarari Elkartea, zazpi urte lehenago abian jarritako Bai Euskarari Ziurtagiriaren proiektua zabaltzeko eta sendotzeko. 10 urte pasa dira geroztik eta atzo izango balitz bezala gogoratzen dugu elkartearen sorrera. Gaur, urte hauetan guztietan bizi izandako une garrantzitsuak, lorturiko erronkak eta emandako garapena errepasatu ditugu. Milaka pertsonekin egon gara, ehunaka egitasmo partekatu ditugu eta emozio kontaezinak bizi izan ditugu
1. Bazen behin eta bada orain
2007an sortu zen Bai Euskarari Ziurtagiriare Elkartea, zazpi urte lehenago abian jarritako ziurtagiriaren proiektua indartzeko, elkarlanaren bidez garatzeko, zabaltzeko, sendotzeko eta gizartean erreferentziala izateko. Urrats bat elkarlanean, denon artean egin nahi izan dugulako Bai Euskarari Ziurtagiria.
2. Komunitate eredugarria
Pozik egoteko modukoa da Bai Euskarari komunitatea osatzen duten Euskal Herri osoko milaka entitatek urte hauetan eragin dutena. Urte hauetako lan eredugarri eta haien borondatezko konpromisorik gabe, nekez egongo ginateke oraingo egoeran.
3. Administrazioa
Administrazioa ezinbesteko bidaidea da Bai Euskarari Elkartearentzat. Bidea, hala ere, ez da erraza izan. Garai aproposa da elkarrekin aukera berriak sortzeko.
4. Bilakaera
Bai Euskarari Ziurtagiriaren irudiak (2000-2017). Prozesu honetan Bai Euskarari Elkarteak, barrutik, eta kanpotik ere, eboluzio handia izan du.
5. Merezi dutelako, Bai Euskarari Sariak
Bai Euskarari sarien bitartez, alor sozioekonomikoan euskara sustatu duten eta ibilbide arrakastatsua eta eredugarria duten entitateak eta pertsonak saritu ohi ditu elkarteak.
6. Lazarraga Sariak
2010etik, bi urtez behin, Lazarraga Sariak antolatzen ditugu Arabako Foru Aldundiarekin batera. Helburu nagusia da Arabako Lurralde Historikoan euskararen alde lan egin duten enpresak edo-eta pertsonak saritzea eta haien ahalegina aitortzea.
7. Enpresarean, enpresa eta profesional sarea
Euskaraz lan egin nahi duten enpresen eta profesionalen arteko harremana eta elkarlana sustatu nahi da Enpresarean proiektuaren bidez. Bi urtean behin
antolatzen den Enpresarean azoka, Enpresarean Foroa eta Enpresarean.eus webgunea dira egitasmoaren ardatz.
8. Lansarean.eus, euskarazko lan-ataria
Euskal profesionalentzat, lan bila ari direnentzat eta lana eskaintzen duten enpresentzat erreferentziazko lan-ataria da lansarean.eus eta, etorkizunean, zerbitzu hobea eskaintzeko eta euskaraz lan egiteko aukerak errazteko berrikuntza ugari egin ditu.
9. Elkarlanean, Lanabes
Euskararen erabilera errazteko Bai Euskarari Elkartea saiatzen da bidaide eta laguntzaile izaten, prozesu horretarako baliabideak eta erraztasunak eskainiz.
10. Euskararen erabilera errazteko
Bai Euskarari Elkartea saiatzen da bidaide eta laguntzaile izaten, prozesu horretarako baliabideak eta erraztasunak eskainiz.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.