Errepideen mantentze lanetako behargin bat hil da ostegun honetan, kamioi batek bera zegoen furgoneta jo ondoren. Ezbeharra AP-68 autobidean gertatu da, Kuartango herriaren parean.
Eusko Jaurlaritzako Segurtasun Sailak jakinarazi duenez, gertakaria eguerdiko 12:30ean jazo da, AP-68an, Kuartangon. Bilbora bidean zihoan kamioi batek errepideen mantentze lanetako furgoneta bat jo du, eta zerbitzuaren langileetako bat hil da. Ertzaintza gertatutakoa ikertzen hasi da.