432.254 euroko inbertsioa gauzatuta, euri urak eta hondakin urak bereizteko lanak egin ditu Arabako Foru Aldundiak Dulantziko araztegian. Egindako lanei esker, ur garbia orain Dulantzi ibaiaren ubidera desbideratzen da, eta ez orain arte gertatu bezala, araztegira. Modu honetan, araztegira bideratzen den ur maila mugatuta, bere eraginkortasuna nabarmenki hobetzea lortu da. Era berean, araztegiaren energia kontsumoa murriztea lortu da eta arazketa sistema optimizatu egin da.
Egindako inbertsioan gainera, araztegiko alarma sistema ere hobetu da. SMS sistema baten bitartez, berehala antzeman daitezke funtzionamenduan egon litezkeen hutsak, eta, hala, matxurarik badago esku hartze epeak murriztuko dira.