Aurtengo diru-bilketa metatuaren hazkundearen arrazoia Arabako Foru Ogasunaren esku geratzen diren bi zerga motaren hazkundean oinarritu da.
Batetik, PFEZak izandako %6,2ko igoera. Lan merkatuaren egonkortzearen ondorioz, laneko atxikipenek %4,8 egin dute gora, eta langile autonomoen zatikako ordainketak %8,4ko igoera izan du. Ondorioz, errenta kanpainaren emaitza ere positiboa izan da eta %7,9 hazi da diru-sarrera.
Bestetik, jarduera ekonomikoak ere bilakaera positiboa izan du lurraldean, eta kontsumoa igo egin da, BEZaren bilketan %7,3ko igoerarekin.