Emakumeen eta gizonen berdintasuna lortzera bideratutako Arabako 14 udalerrik eta 6 kuadrillak aurkeztutako programak eta jarduerak aurrera eramateko diru-laguntzak onartu berri ditu Aldundiak.
Lagundutako proiektuen artean hauexek nabarmendu behar dira: emakumeak ahalduntzeari begira egindako ekintzak, hainbat udalerritan garatutako berdintasun planak, eta gazteen artean indarkeriarik gabeko jokabide ereduak bultzatzeko programa.
Diruz lagundutako ekintza asko, gainera, LAIA Arabako emakumeen jabekuntzarako eta berdintasunerako eskolaren jarduera programazioan txertatuta ere egongo dira.