Euskal emotikonoak dituen aplikazio bat sortu dute lau gaztek. Euskalmoji du izena eta Android eta iOS plataformetan dago eskuragarri. Berehalako mezularitza aplikazioetan zein sare sozialetan erabil daiteke.
Hala, sei gai desberdinetan banatutako 60 emotikono baino gehiago bildu dituzte aplikazioan. Baserritarrez jantzitako pertsonaiak sortu dituzte emozioen berri emateko, eta, horiekin batera, jaien inguruko emotikonoak, sinbolo tradizionalak edo futbol taldeen irudiak sortu dituzte.
Gasteizko jaien usaina oraindik ez bada nabaritzen, Zeledonen irudia ere aurkitu daiteke aplikazio berrian. Irudiez gain, euskal adierazpen batzuk bildu dituzte; hala nola, 'zorionak' edo 'kaben zotz'.