Zerynthia taldeak zuzenduko du interpretazio-irteera Valderejon, hitzaldi txiki baten ostean. Ekintzaren hasiera 10:00etan izango da eta 14:00ak aldera bukatuko dute. Kontuan izan parte-hartzaile kopurua mugatua dela eta beharrezkoa dela aurretik izena ematea.
Europa mailan babestua izan zen lehenengo espeziea dugu Apolo tximeleta. Espainian eta Euskal Herrian mendilerro nagusietako goi eremuetan aurki daiteke. Klima hotzei lotuta dagoenez, aldaketa klimatikoaren aurrean bereziki kaltebera da. Populazioetako batzuk dagoeneko desagertu dira edota atzerakada nabarmena jasaten ari dira.