Ekainaren 17tik aurrera, eta irailera bitartean, abian jarriko da gazteak Arabako jaietara eramango dituen Jaibus zerbitzua. 20 leku desberdinetara joateko eskaintza izango du. Horien artean, urtero bezala, Gasteizko jaietara gerturatuko ditu gazteak, Arabako herri desberdinetatik.
Jaibus zerbitzua 15 urtetik gorakoei dago zuzenduta eta 41 ibilbide ditu programatuta denboraldi honetarako. Horietatik 35 ibilbideek lurraldeko 19 herrietako jaietara eramango dituzte gazteak, eta gainerako sei ibilbideek Gasteizko Andre Maria Zuriaren jaietara gerturatuko ditu, abuztuaren 5ean.
Arabako herri desberdinetara doazen autobusak ibilbideko lehen puntutik aterako dira 21:00ak eta 00:00ak bitartean. Itzultzeko, erabiltzaileek bi aukeren artean hautatu ahal izango dute: goizeko 3:30etan edo 6:00etan. Gainera, herri batzuek ordutegi bereziak eskainiko dituzte, bai joateko eta baita itzultzeko ere.
Txartelen erreserba
Txartelen erreserba www.fundacionvital.eus web orriaren bidez egin behar da. Izen emateko epea bidaia bakoitzaren aurreko eguneko 13:00ak arte egongo da zabalik. Gasteizko eta Labastidako jaietan, ordea, abuztuaren 3ko 19:00ak arte erreserbatu ahal izango dira plazak. Txartelen prezioa 3 eurokoa izango da eta dagoeneko ekaina eta uztaileko bidaien izen-ematea egin daiteke.
Ekaineko ibilbideak
Ekainaren 17an
Ozaeta
Agurain – Dulantzi – Elburgo – Oreitia - Ozeta
Ekainaren 24an
Laguardia
R1: Labastida – Samaniego – Villabuena – Navaridas – Leza – Laguardia
R2: Moreda – Oion - Laguardia
R3: Ekora – Viñaspre – Lantziego – Kripan – Bilar - Laguardia
R4: Mañueta – Eltziego - Lapuebla de la Barca - Laguardia