Dena prest dago aurtengo Azkena Rock jaialdirako. Izan ere, antolakuntzak kontzertuen ordutegien berri eman du. Ostiralean, esaterako, John Fogerty, Cheap Trick, The Hellacopter eta Graveyarden txanda izango da. Larunbatean, aldiz, Chris Isaak eta The Cult taldearena, beste askoren artean.
Aurtengo berritasunen artean, ordaintzeko modu bakarra onartuko da jaialdiaren barruan; cashless era, hain zuzen ere. Bertaratzen direnek ezin izango dute zuzenean diruarekin ordaindu; aurretik, sartzeko emango zaien eskumuturrekoa kargatu behar izango dute, eta horrekin erosketa guztiak egin.
Sarrerei dagokienez, oraindik erosteko aukera dago. Bi egunetarako abonamendua 98 eurotan (+gastuak) eros daiteke. Eguneko sarrerak 55 euroko prezioa du.
